Ollonkke Qerxeemmo!!

Sidaama Poem by Akako Wonshsho, 

May 2, 2013, from Sidamaland!

Ollonkke Qerxeemmo Qarra buqqisate

halamme xoolate,

Sidaamuu dagara Kajinne loosate!

Manchu beetti heeshsho beebbaho tugaawori,

Meeya labbaahura wotto kalaqaawori,

Hexxo kudunsite lopho hunttannori,

 Qarruwa bacate rewote ebbannori,

Kalaqamu abbe naqaawo dirbabbanna,

Heeshsho huluullise gadachitawo manna!

Darbino daninni xeenu wayi hoogeenna,

Loosamino gidi xoxewe ba’eenna,

Korkaatunni ka’e hude burqiteenna,

Intayiri angayiri horontta hoogeenna,

Qarraho unbbanni hude quursiteenna,

Uulate tenqeenyi hattono xiwanna,

Olunna lolahu jaddo kalaqeenna,

Dawaawano goonfayi quxoonni fulteenna,

Xissonna xidanu gobbate uwiro,

Tayissara dandiitawo manchi siddo horo!

Qarruwa buusante beeshshiteenna faro,

Gargadhe ajishate qarruwate bikka,

Balanxe huwantayi rakkote ka’ima,

Aanchine buuxate qarruwate dana,

Sufote loosinni abbate woyyimma,

Xiinxallote gumi ikeenna wodaaha,

Dhiibba taraawaaha garuyi ittisate,

Kalaqamu qarri bikka ajishate,

Ballimmanna baambbe buqise hunate,

Rumudda buximayita buqqise fushshate,

Qarruwa baalantta loonse qerxeemate,

Mittimma kaajinshshe laalaante loosate,

Halamme loonsiro miinjja batinsanni,

Heeshsho woyeesate injjo halashshinanni,

Qarra rakko baala mitee buqinsanni,

Buxuqqamme loonsse buljja ikkinanni,

Dagoomu miinjjano baasa lossinanni,

Xaphoomunino lopho latinssanni,

Woyaabino lophpho gumuni la’ate,

Sidaamu uurinshsha Ledo  Mitteni (SLM) lonssani

Sidaamu dagara halaaluyiya lopho kajishe lossate

Ledo gutu gaara kalanqqenna

Mittimma sharramate deerra aggaxinanni

Garinni sigiigee wolapho abbi’dha

Hati yenomoti mitte dogo note!!

Poem by Akako Wonshsho, from Sidamaland May 2, 2013

Qeelle Sidaamu Dagara!!!